Binuksan ang centennial celebration ng St. Bridget College (SBC), Batangas City noong October 20 sa pamamagitan ng Inter-Basketball at Volleyball League kung saan kalahok ang mga alumni mula batch ’79 hanggang 2012.
Nagkaroon ng opening program ang liga kung saan ipinakilala ang muse ng kani kanilang batch.
Unang nagharap sa basketball ang batch ’79 at batch ’81 at batch ’79 laban sa batch ’89 sa volleyball game.
May 30 basketball at 11 volleyball teams ang nakatakdang magtunggali sa mga susunod na laban na isasagawa tuwing Sabado at Linggo. Inaasahan na matatapos ang liga sa January 2013.
Ayon kay SBC Pres. Sis. Lydia Ebora, kitang kita ang kasiyahan sa mga alumni at sobra pagmamalaki naman ang nararamdaman niya sa mga Brigidtines. Aniya, dama niya ang pagkakaisa ng mga ito. Mensahe niya sa mga Bridgitines na maging tapat sa values at ideals na natutunan sa St. Bridget.
Sinabi ni Sis. Lydia na ilan pang activities ang nakahanda para sa centennial celebration na gaganapin mula February 1-6 ng susunod na taon. Ilan dito ay ang spiritual conferences, misa, grand performances ng Performing Artists Office, pagbabasbas ng centennial markers tulad ng centennial trees at ang paglulunsad ng bulaklak ng St. Bridget na isang uri ng gumamela mula sa UP los Banos.
Natutuwa siya sapagkat ang St. Bridget ang kauna unahang institusyon na gagawaran ng ganitong karangalan ayon sa UPLB. (marie v. lualhati)
